Terug naar overzicht


Gevaorlik speulgood

Geplaatst op 23-01-2018
Geplaatst door MaikelvanVugt

Kroniek van eine Blieërickse jóng in de oorlogsjaore ’40-’45
geschreve door Pierre Smeets.

Ze hebbe mich mei waal ens gevraogd wie ik, as kind, de oorlog heb ervare en
dan zag ik altiëd,

“Det waas veur ós, as kinder eine prachtige tiëd, want d’r gebeurde bijna elke
daag waal iets en de echte zörg loog beej ós elders”

As kind hadse dao gén erg in, want de hads toch altiéd waal te aete en te
drinke, al waas ’t later in 1944 bes waal ermeujig en ’t aete dök eintuuënig.
Maarechte hónger hebbe weej, dank zei de inventivieteit van mien vader en
mooder, noeëjts gehad. Nou ja engs hadse eigelijk allein tiedes de
bombardemente as de bómme erg dichtbeej veele. Zoeë gauw as de sirenes ’t
alarm weer aafblooze, dan waarse alweer vergaete detse kneip hads gehad.

Al met al waas ‘t, tenminste waat mich daovan beej gebleve is, eine tiéd van
aventuur. Umdet ik toen nog zoëe jonk waas, kin ik mich vuul neet miér in
detail herinnere, maar hoe alder ik woort in de loup van d’n oorlog hoe miér d’r
is blieve hange. Natuúrlik is daen tiéd veur vuuël minse ein verschrikking
gewaes, met eine houp ellende en verdreet, maar weej zien as femilie gespaard
gebleve veur rampspood en ik veur mich, kiëk d’r ouk met kinderlijk plezeer op
truuk.

Daorum dit verhaol. Pierre Smeets schreef zien verhaol in 2009.

Ut bukske is te bestelle beej de “Heemkundekring Blariacum”
( voorzitter@heemkundekringblariacum.nl ) en kos 10 Eur. (aafhaolpriës)
en wilt geej het thoesgebrach hebbe dan kos ut 12,50 Eur.