Frits Stamfort

Frits Stamfort:

Frits Stamfort (ong. 45 jaar oud) op de feestavond in het zaaltje van café “De Witte” van Verberkt. Oud-lid van de Harmonie St. Caecilia uit Blerick. Hij was betonvlechter en ex-kastelein van café “In 't witte paard” in de Nieuwborgstraat te Blerick. Inmiddels afgebroken. Foto van zomer 1976.

Herman Hermsen vertelt:
“Frits Stamfort 40 jaor lid van SVB, (17/3-1933) 83 jaor en (43 jaor lid van Ald-SVB). Van bouwopzichter nao Uncle Satchmo’s Lullaby
Frits Stamfort haet ’t voetballe gelièrd in Pruùses beej ós oeësterbure, de Lobbericher S.C. heej vlak euver de päöl, dao is hae ouk nao de liègere schoeël gegaon. In de Breyeller See lièrde hae zwumme, det zoel later good van pas kómme, want nörges ware de maedjes zoeë moeëj as heej aan de lieëgte van de Blièrickse Moder Maas. Beej oma op de Niejborg in Blièrick kwaam Frits döks op bezeuk same mit zien jóngere breurke Gerry. Dao koste zeej altièd lekker boète speule en voetballe mit andere kinder oèt de straot.

Wie zeej einmaol in Blièrick ginge woeëne woorte zeej alletwieë lid van SVB en vónde zeej sebiet “anschluss” beej de kammeräödjes van de Niejborg. Die vrindschap veur ‘t laeve besteit allewiels nog altièd en zal noeits vergaon. In de vièftiger jaore speulde Frits in ’t ièrste van SVB en haet dao nog gevoetbald mit de legendarische speulers van waallièr zoeëas Hans Nijland en Jan Schijven. Frits speulde rechs op ’t middeveld en waar zièr köpsterk, zoeëwaal aanvallend as in verdeidigend opzich. Hae leep zich ’t veur oèt de sloève en meus ’t hebbe van ziene enorme “ausdauer”.

Eine echte alderwetse “ièzervraeter” waat det betröf kwaam det waal euverein mit zien beroep as betónièzervlechter. Frits waas van hoès oèt waal waat gewind, same mit zien broor Gerry had hae in Blièrick ein betónièzervlechtersbedrièf. Haos al ‘t betónièzer veur de oèbreidinge van d’n Hazekamp en ’t Vastelaoveskamp hebbe zeej same gevlochte en gemak!

In 1968 ging Frits beej de veterane van ’t pas opgerichde Ald-SVB voetballe. Jaorelang speulde hae dao rechsboète, wiesdet ein hardnekkig blessure aan zien kneen, um dwóng te stoppe mit voetballe. Frits meus oètintelik acceptere det zien bein neet van ièzer ware.

Ein verhaol waat tot die verbeelding sprik wil ik óg neet ónthalde:
Midde ónder ‘ne wedstrièd kwaam ’t dökker veur det Frits zien kneen d’r opens oètschoot! Hae ging dan op ’t veld zitte, idderein vaer op aafstand haldend, want nemus móch in de buurt kómme. Terwièl ’t zweit um euver ziene taets leep, douwde hae ’t kneen dan weer truuk op zien plaats, stónd op en ging gewoeën vaerder mit voetballe en deej net asof d’r gaarniks gebeurd waar. Óngeluivelik, aevel waor gebeurd, dao kint minig in de watte gelagde prof op vandaag nog ein puntje aan zuùge.

Nao zien voetballoupbaan ging Frits zich gans richte op de mezièk en behaolde as solist op diverse concourse veur blaosmezièk hoeëge prièze. Hae speulde beej de Hermenie Caecilia in Blièrick, richde zien eige Hermenkie Gaer Gedaon op, ging later beej de Fanfaar in Venlo en waar dao jaorelang opleider van jónge blaozers.

Frits organisserde ouk ein gelaegenheidskepèlke beej ós “de Kuumers” geneump, det dökker in daen tièd veur SVB haet gespeuld. Op feestaovende van Ald-SVB traoj Frits geregeld op same mit zien broor Gerry. Meisterlik waar eur vertolking van ’t waereldberoemde slaopleedje:
“Uncle Satchmo’s Lullaby”.
Frits as Louis Amstrong op de trompet en Gerry as 12 jäörig nachtegaelke Gabriële, getoeëjd in petticoat en al. De ganse zaal loog plat van ’t lache!
Aevel as Frits op ’t ind van d’n aovend opniej de trompet pakde en zóng:
I see trees of green, red roses too
I see them bloom for me and you
And I think to myself, what a wonderful World.
‘t Waas moèsstil , ‘t waas net of Louis Amstrong dao zelf stónd te speule.

Frits haet ouk veur hièl waat vastelaovesleedjes de mezièk geschreve en zoot döks as deskundige in de jury beej de Wortelepin. In 1970 is hae zelfs adjudant gewaes beej de Wortelpin same mit Piet Theeuwen beej hoeëgheid Prins Joep van Heugten. Gans Blièrick loog aan eur veut!! Frits haet ouk ‘ne gas jaor ein kefee gehad op d’n Nieborg “Ut Witte Paerd”geheite.

Wie hae ind tachetiger jaore gevraog woord um kantinebehièrder te waere beej SVB, zag de ald kastelein medein jao. Det is eine golde greep gewaes want Frits zörgde same mit zien Nel zaliger veur niej animo, en de kantine ging dreie as eine tierelier. Frits Stamfort is veur al zien verdeenste veur de Blièrickse Gemeinschap door de Wortelepin indertièd beneump tot Meister in de orde van ’t Blièrcks Hert en in 2007 óntving hae van de Sjengenclub de Brónze Sjeng.

Frits is zien ganse laeve in hert en nere eigelik SVB’er gewaes en gebleve, aevel door zien drökke bestaon is hae kinnelik indertièd vergaete cóntributie te betale. Oètgeschreve en punkt sloes! Det vergaet haet hae, jummig wie zund, noeïts mièr good kinne make, zoeë zien noow einmaol de regels. Hartstikke krangs want 48 Jaor geleeje richde hae zelf mei Ald-SVB op en vanaovend wuurd hae gehöldig vanwaege zien 40 jäörig lidmaotschap. Maar toch beste kammeraod van ganser herte perficia mit dien 40 jäörig jubileum en jaore lange inzet veur SVB. SVB wins dich nog hièl vuuël moeëje schoeëne jaore toe te midde van dien gezin, vrinde en bekinde. Hald dich haoks en blièf genete van dees moeëje vereiniging!
Blièrick, augustus 2016
Herman Hermsen
Ière-veurzitter SVB”

Datering foto circa 1976
Fotograaf Onbekend
Collectiehouder Venlo Archief
Plaats Blerick
Wijk Smeliënkamp
Straat Pepijnstraat 198
Rubriek → Subrubriek Mensen → Personen

Meer info

In de kaart zijn verschillende functies beschikbaar.

muis/vinger bediening
  • verschuiven door met de muis de kaart vast te pakken kunt u deze verschuiven
  • overzichtskaart met het + knopje rechts onderin de kaart kunt u een overzichtskaart uitvouwen
  • in- en uitzoomen door op de + en - knoppen links bovenin de kaart kunt u meer of minder detail in de kaart bekijken
  • thema's aan- of uitzetten na op het ≡ ikoon te klikken aan de rechterkant van de kaart krijgt u een overzicht van de beschikbare kaarten en thema's, u kunt hier een selectie maken.
  • informatie opvragen in de kaart kunnen zich elementen bevinden die meer informatie dragen, door erop te klikken kunt u deze opvragen
  • volledig scherm weergave met behulp van de ✈ knop kan de kaart worden gemaximaliseerd, gebruik de ✕ knop om weer terug te gaan naar pagina weergave.
toetsenbord bediening

Voor toetsenbord bediening dient u de kaart te activeren middels de tab toets (als de kaart actief is vertoont deze een focus ring).

  • verschuiven met behulp van de pijl toetsen kunt u de kaart verschuiven
  • overzichtskaart met het + knopje rechts onderin de kaart kunt u een overzichtskaart uitvouwen
  • in- en uitzoomen door op de + en - knoppen links bovenin de kaart te klikken of de + en - toets te gebruiken kunt u meer of minder detail in de kaart bekijken
  • thema's aan- of uitzetten na op het ≡ ikoon te klikken aan de rechterkant van de kaart krijgt u een overzicht van de beschikbare kaarten en thema's, u kunt hier een selectie maken.
  • informatie opvragen in de kaart kunnen zich elementen bevinden die meer informatie dragen, middels de i toets activeert u een cursor die met de pijltoetsen verschoven kan worden, met de enter toets voert u een opvraag actie uit. Gebruik de i of de escape toets om deze functie weer uit te schakelen en terug te keren naar navigatie modus
  • volledig scherm weergave met behulp van de ✈ knop kan de kaart worden gemaximaliseerd, gebruik de ✕ knop om weer terug te gaan naar pagina weergave.

Het kan zijn dat een aantal van deze functies niet beschikbaar is gesteld door de auteur van de pagina of de beheerder.

 

Locaties in de kaart
id symbool latitude longitude beschrijving
1 marker-red 51.3737224º 6.15184027º

Frits Stamfort


Klik hier en bekijk andere objecten op de overzichtskaart voor periode 1970-1979 .

Opmerking:
S X C D W
 
  • beeldbank/20c804f7/2022-03/mbb_00007121.txt
  • Laatst gewijzigd: 2024/02/25 23:00
  • (Externe bewerking)
  •  |  Gerealiseerd met Haima logo