Waordebook

Un laezing euver ut Bliericks van vruùger door dr. Frens Bakker waas in 2017 de start van de werkgroep un groeët Bliericks waordebook. Blierick woord al umslaote door bestaonde waordebeuk van Venlo, Velde, Grubbevors, Hors, Saerum, Breej, Baolder en Tegele. Dus ut woord tièd um ouk ós Bliericks te beschriève en vas te legke.

Un belangrièke doelstelling van ós waordebook is det idderein ut Bliericks zoeë good meugelik kin laeze en oètspraeke, met hölp van ós (wat oètgebreide) spellingsregels in aanvulling op de Limburgse Spellingsregels (2003).

Bliericks is un gespraoke dialekt det continu verandert, daorum det ‘un’. We neume ut ‘groeët Bliericks’ umdet we verschille zeen tösse ut (ald) Hou-Bliericks, Bookends en ut dörp. En die verschille kómme in ut waordebook nao veure. Zier regelmatig kómme weej beejein um al die Blierickse wäörd te inventarisere, te verklaore met gezegdes en spraekwäörd, te veurzeen van vervoeginge en de Nederlandse beteikenis.

Straks leet d’r ein diek waordebook, det ut meugelik mak um ós Bliericks ouk baeter te kinne schriève. Veur opmerkinge en aanvullinge staon weej altièd aope, Jacques Driessen, Ton in ‘t Zandt, Jos Raedts, Jan Titulaer