Hans Mitcek:
De Pool Hans Mitcek diende tijdens de 2e Wereldoorlog in het Britse (Poolse eenheid) leger bij de bevrijding van Nederland. Hij was na de 2e WO al weer op weg naar Polen, toen hij (en andere Polen) door de toenmalige directeur van de Pope terug werd gehaald. De directeur bood hem werk aan en zorgde dat hij een woning kreeg. Hans is darana in Blerick gebleven en daar overleden op 22 september 1992.
Marcel Grubben vertelt:
“Hans Miczek herinner ik mich nach huul good. Hans fietsde zoeë rond 1970 dök beej ós langs vanoeët de Pope nao hoes, of met d'n hond, Kokko, unne CockerSpaniel. Op un gegeve moment rakde hee aan de praot met de gebroeders Grubben, die good van d'n tongreem gesneeje waare, en Cor Vercoulen, dee van ziene leeftiëd waar.
De vriendschap waar al snel gesloate en ik kin mich neet angers herrinnere den det Hans dök beej ós kwaam. Saame met zien vrouw Truus pasde die auk dök op, as ós pap en mam oetgaon woeje. Det gaajde os waal, want Truus heij altiëd waal wat lekkere sloek oet Pruuses beej zich.
Heur zuster woeënde dao, en de Pruuse heije angere sloek, altiëd lekker. En we meugde un half eurke later nao bed, en soms nach waal ietskes miër. Nao zien pensioen beej de Pope kwaam Hans bijna illeren daag beej ós, um wat meij te helpe, maar veural veur de gezellgheid. Dao waare mier gepensioneerde die dök kwaame, Teike Foase en Jeu Verdelle, die kóste zoeë lekker straevele en greeke, en dan nach vuul mier aanlaup dageliks. Ut waas altiëd bes druk beej ós met minse die ins un tas koffie kwaame drinke, um wat te klasjeneere. Hans genaot dao van.
Weej kóste ós noejts veurstelle, det hae in d'n oorlog gevochte heij. Dae mins, waas de goodheid zelf. As-se un vleeg kepot hauwsde op de taofel, zach hee altied “Erme biesje”, en det mende hae eg. Geweldige mins, gooj herinneringe aan !”.
Datering foto | 30-8-1992 |
---|---|
Fotograaf | Onbekend |
Collectiehouder | Marcel Grubben |
Plaats | Blerick |
Wijk | Blerick-Centrum |
Straat | Maasbreesestraat |
Rubriek → Subrubriek | - |