Antoniuslaan:
Frens Bakker vertelt:
“Dees foto liekent mich uterlik in 1959 te zien gemak. Waorum? Mien elders zien metein nao eur trouwe in fibberwari 1960 in ‘t hoes met dae witte ziegevel gaon woeëne. Daoveur waar ‘t flink verbouwd. Ik neem aan det det neet halseuverop nét veur ‘t trouwe is gebeurd, maar det ze daomei in 1959 al mei zien begós. Op foto’s van veur de verbouwing zeen ik in de baoverame van daen erker dónkere glaas-in-loeëd-rame, wie heej. Nao de verbouwing waas d’r ouk in die baoverame gewoeën rame gekómme. Die zuus se heej neet. Daoveur gaon ik d’rvan oet det dees foto uterlik in 1959 is genaome”.
Opmerking plaatsen